Irailaren 14ra arte dago zabalik Kultur Etxean Amurrioko Juan de Aranoa Udal Arte Eskolan matrikula egiteko epea. Hainbat ikastaro eskaintzen dira: haur, gazte eta helduentzako pintura- ikastaroak, ehoziri eta kakorratzekoak, errusiar portzelana, egur taila artistikoa, titikadura, otarregintza, zeramika eta modelatzea, larru artistikoa eta larruki lantzea, patchwork, ebaketa eta jantzigin­tza eta kartoi-lan eta scrapbooking ikastaroak.

Amurrioko Udal Trikitixa Eskolak zabalik du 2018/19 ikasturterako trikitixa eta pandero eskoletarako matrikula epea: Kultur Etxean, irailaren 14ra arte, goizez egin ahalko da. Trikitixan zortzi urtetik gorako ikasleek har dezakete parte, eta panderoan sei urtetik gorakoek, bietan ere adin mugarik gabe.

Uztailean eta abuztuan, Azkuna Zentroak – AlhóndigaBilbaok Mario Paniego euskal artistaren “Erabilera-eskuliburua” pieza erakutsiko du Arriquibar plazako fatxadan. “Erabilera-eskuliburua” piezan, Paniegok bi dimentsioen mugaketa espazialaz baliatzen da, eta eguneroko elementuetan esku hartzen du, adibidez, artefaktuen erabilera-eskuliburuetan eta oro har erabiltzeko argibideetan. Esanahiak alda­tzeko eta zabaltzeko erabiltzen ditu, komunikazio-mota horrek izaten duen mintzaira zehatzaz eta irudi eskematikoez baliatuta.

Amurrioko 5-12 urte bitarteko 270 ikaslek eman dute izena Udalak urtero antolatzen duen Oporretan ere euskaraz jardueran. Hiri-udaleku irekiak dira, eta Lucas Rey ikastetxean egiten dira. Udaleku horien helburua uztailean euskararen erabilera sustatzea da. Ordutegia 10:00etatik 13:30era da, eta hamabostaldian behin egun osoko irteera bat egingo da. Programak askotariko jarduerak barne hartzen ditu: eskulanak, tailerrak, jolasak, auzoetara eta igerilekuetara irteerak, jaiak eta abar.

Uztailak 21
• 13:00: Meza.
• 13:45: XIX Santa Marina Jaurtiketa Txapelketa. Zozketa arratsaldez.
• 14:30: Herriko Bazkaria 11 €.
• 16:30: XIX Briska, Mus eta Tute Txa­pelketa.
• 18:00: XVI Tiragomak Txapelketa. Aulki eta baloi jolasa.
• 18:30: Erromeria.
• 19:30: Txokolatada denontzat.

Antolatzaile: Asociación de Vecinos Santa Marina Olarri Auzo Elkartea.

Uztailaren 20an “Korterraza Komedia” film laburren saio bat izango dugu Amurrion. Komedia saio hau 22:00etan hasiko da Larrinaga kaleko oinezkoen gunean, eta euria bada San Anton plazan.
Kultur hitzordu hau Kultura Kalean! Elkarteak antolatutako Korterraza Araba 2018 aire zabaleko Film Laburren Jaialdian sar­tzen da; izan ere, elkarte honek sustatzen dituen kultur proiektuen helburua kalea herritarren topaleku gisa berreskuratzea da, gozatzeko, elkar eragiteko eta harremanak sortzeko.