Amurriok amaitu ditu Juan de Aranoa kalean 37 plaza, horietako bat egokitua, dituen aparkaleku berria eraikitzeko lanak. Proiektua 912m2-ko lursail batean gauzatu da, eta 34.896 euroko inbertsioa eskatu du.

Aparkaleku berri hori leku estrategikoan dago, Iparraldeko tren geltokitik gertu. Gainera, A-625 errepidetik datozen ibilgailuentzako disuasio-aparkaleku gisa ere pentsatuta dago, Araba eta Felix Murga kaleetako aparkalekuekin gertatzen den bezala.

Aparkalekua eraikitzeak Alkinar auzoak urtero Udalarekin egiten dituen bileretan egindako eskaeretako bati erantzun dio. Eskaera horiek, auzokideen parte-hartzea bilatzen duten auzo-batzarren programaren barruan sartzen dira.