Amurrioko Udalak ostalaritzarako aparteko laguntza zuzenak onartu ditu aho batez gaur goizean egin duen osoko bilkuran. Laguntzen zenbatekoa 55.000 eurokoa da. Neurri horrekin, Covid-19aren ondorioz sortutako neurri murriztaileak direla eta sektoreak bizi duen egoera zaila arindu nahi du Udalak.

Ostalaritzako establezimenduen artean banatu beharreko zenbatekoa gauzatutako enpresa-jardueraren araberakoa izango da. Herriko jatetxeek 2.000 euroko laguntza zuzena jasoko dute, eta tabernek eta kafetegiek 1.000 eurokoa. Guztira, 55.000 euro banatuko dira ostalaritza sektoreko herriko 44 establezimenduen artean.