Amurrioko Udal Euskara Zerbitzuak autobus zerbitzua antolatu du maiatzaren 19an Lekeition ospatuko den Ibilaldira joateko. Aurtengoa bizkaiko ikastolen jaiaren 40. edizioa izango da. Jai hauetako lema, ‘Haratzago’. Ibilaldira joateko txartelak Kultur Etxean jaso ahalko dira maiatzaren 16ra.  Prezioa: 7 e. Goizeko 10:00etan irtengo da Amurriotik, Amurrio An­tzokiaren inguruan dagoen Araba kaletik. Itzul­tzeko, Lekeitiotik 19:00etan irtetea espero da.

Amurrion “Euskaraz Bizi Nahi Dut” Jaiak 2019 ospatuko da maiatzaren 17an. Egun honetarako hainbat ekintza daude antolatuta: egur-jolasak, rugby, zunba, Ikasleen Bertso Idatzizko, txokolate jana, dantza-bertso-triki kalejira eta kantu kalejira tabernetatik.

Arabako Foru Aldundiaren Gobernu Kontseiluak bide eman dio Delikako Ibilbide Berde berria egokitzeko proiektuari. Ibilbide horri esker, herri amurrioarra eta Delikako arroila, Nerbioi Ibaiaren Ur Jauzia izenez ere ezaguna, lotuko dira. Guztira, 6,5 kilometro luze izango da, horietatik 3,2 kilometro bizikletaz egiteko modukoak, eta 115 metroko desnibela izango du. Natura 2000 Sareko naturaguneak igaroko ditu, hala nola, Arkamo-Gibijo-Arrastaria KBE edo Gorobel KBE. Nerbioi ibaiaren goi-ibarra igarotzen den mendi paisaia bikain batez inguraturik, belardien, baso autoktonoen, hariztien eta hainbat ur jauziren albotik igarota, ibilbideak Delikako arroila edo Nerbioiaren ur jauzi ezagunean izango du amaiera.
Lehenengo fase batean, aldundiak ibilbidea egokituko du, eta, horretarako, lehendik dauden bideetan sarbideak hobetu, eremu batzuen landaredia lehengoratu, sastrakak kendu, zorua egokitu, seinaleak jarri eta ibaia zeharkatzeko pasabide berezi batzuk jarriko ditu.
Behatoki berria eta zubi tibetarra
Nabarmendu behar da Delikako Ibilbide Berdeak osagai berezi batzuk izango dituela, hala nola, behatoki berria, zeinaren bidez bisitariak ur jauziak elkarren segidan ikusi ahal izango baititu. Era berean, atsedenerako eta aisiarako gune berri bat izango du Zalborondo harrizko zubiaren ondoan.
Gainera, ondorengo fase batean, 60 metro luze izango den zubi tibetar handi bat eraikiko da, eta hura eraiki arte, ibaia zeharkatzeko pasabide berri bat egongo da. Proiektu horretan, era berean, jasota dago ibilbide hori Urduñarekin lotzeko aukera, Tertangatik zein Artomañatik.
1.000 kilometrotik gora ibilbide berdeetan
Proiektu honek 202.505 euroko kostua izango du, eta horren %50 EGEF Europako funtsek finantzatuko dute. Nerbioiko Parke Lineala osatuko du, Laudio eta Amurrio lotzen baititu motorrik gabeko mugikortasun jasangarriaren eta aisialdi osasuntsu eta aktiboaren aldeko apustu argi bat eginez.
Dena den, Arabak 24 ibilbide berde ditu, elkarrekin lotuta, eta lurraldea iparraldetik hegoaldera eta mendebaldetik ekialdera egituratzen dute, herriak lotzeaz gain. Era berean, Arabako biodibertsitatea eta naturguneen balioa nabarmentzen dituzte.

Amurrioko Udaleko Euskara Zerbi­tzuak, beste behin, Herri Urrats Iparraldeko ikastolen aldeko festara joateko autobus zerbitzua kudeatuko du aurten ere. Festa Senperen ospatuko da datorren maiatzaren 12an. Jai hauetako lema, “LK”. Aurten, Herri Urrats Xiberotar eta Baxenafartar ikasleak biltzen dituen Manex Erdozainzi Etxart Kolegioaren alde (MEEK) izanen da. Ipar Euskal Herriko barnekaldea husten ari den bitartean, 11 eta 14 urte bitarteko gazteak biltzen dituen Kolegioa garapen betean da. Xiberoako eta Baxenafarroaren etorkizuna dira aurten MEEKen diren 190 ikasleak. Txartelak Kultur Etxean egongo dira eskuragai maiatzaren 6tik 9ra arte. Prezioa: 10 €. Goizeko 09:00etan irtengo da Amurriotik, Amurrio Antzokiaren inguruan dagoen Araba kaletik. Itzultzeko, Senperetik 18:30etan irtetea espero da.
Euskararen aldeko jaietarako bidaiak
Amurrioko Udalak onetsi egin du urte honetan euskararen erabilera sustatzeko antolatzen diren jaietara joateko autobus zerbitzua antolatzea. Horien arteko lehenengoa Herri Urrats izango da, maiatzaren 12an. Hurrengoa Ibilaldia, maiatzaren 19an Lekeition ospatuko dena. Ekainaren 4an Euskal Eskola Publikoaren aldeko jaia ospatuko da Errenterian, eta hil horren 16an Araba Euskaraz Vitoria-Gazteiz. Uda pasa ostean, urriaren 6an, Kilometroak ospatuko da Zarautzen, eta urriaren 20an Nafarroan Oinez Tuteran. Programatutako azken irteera abenduaren 5ean izango da, Durangoko Azokara.

Maiatzaren 18an Euskal Jaien beste edizio bat ospatuko da Amurrion. Ekintzen programazioari 09:00etan ekingo diote Mendiko Lagunak-ek antolatutako mendi-martxa batekin. 12:00etan txupina botata, 35 urte bete dituen Aiara Dantza Taldeko dantzari eta dantzari ohien erakustaldia izango dugu. Gainera, parkean bazkaria, pilota partidak, Tio Tironen Semeak taldearen dantza-emanaldia eta erromeria Luhartz taldearen eskutik.

Euskal jaia 2019 amurrio    –      Maiatzak 18, larunbata     –     Aiara Dantza Taldearen 35. Urteurrena
* 09:00 Mendi ibilaldia, Mendiko Lagunak taldearen eskutik.
* 12:00 Txupinazo Juan Urrutia plazan.
* 12:30 Euskal Dantzen erakuskaldia Juan Urrutia plazan.
AIARA DANTZA TALDEko dantzari eta dantzari ohiak.
* 13:45  Kalez kale kantari, TXAPELAK BAT taldearekin.
* 15:00 Bazkaria Parkean.
* 16:00 Kantukada parkean.
* 17:00 Pilota partiduak Udal Pilotalekuan, Pelotazale Klubaren eskutik.
* 18:30 “FESTAMENTUA” Dantza ikuskizuna TIO TEROREN  SEMEAK taldearekin, plazan.
* 19:00 Talo, sagardo eta txakolinaren postua.
* 20:00 Erromeria LUHARTZ taldearekin.
*****Antolatzailea: Amurrioko Udala, Aiara Dantza Taldea eta Ohiturak Elkartea.

maiatzak 5 mayo – 17:30 – “Cómo entrenar a tu dragón 3”  – JP/TP – 104 min – 3,75 € – TRAILER

maiatzak 5 mayo – 19:30 – “Dolor y Gloria” – EG16/NR16 – 108 min –  5,00 € – TRAILER
maiatzak 6 mayo – 20:00 – “Dolor y Gloria” – EG16/NR16 – 108 min – 3,75 € – TRAILER
maiatzak 12 mayo – 17:30 – “Alfonbra Magikoa” – JP/TP – 81 min – 3,75 € – TRAILER
maiatzak 12 mayo – 19:30 – “Soinujolearen semea” (V.O. subtitulada euskera) – EG12/NR12 – 90 min – 5,00 € – TRAILER
maiatzak 13 mayo – 20:00 – “Soinujolearen semea” (V.O. subtitulada euskera) – EG12/NR12 – 90 min – 3,75 € – TRAILER
maiatzak 19 mayo – 17:30 – “Mia y el León Blanco” – JP/TP – 98 min – 3,75 € – TRAILER
maiatzak 19 mayo – 19:30 – “Vitoria, 3 de Marzo”– 90 min – 5,00 € – TRAILER
maiatzak 20 mayo – 20:00 – “Vitoria, 3 de Marzo” – 90 min – 3,75 € – TRAILER
maiatzak 26 mayo – 17:30 – “La Pequeña Suiza” –99 min – 3,75 € – TRAILER
maiatzak 26 mayo – 19:30 – “La Pequeña Suiza” – 99 min – 5,00 € – TRAILER
maiatzak 27 mayo – 20:00 – “La Pequeña Suiza” presentación a cargo de su director Kepa Sojo – 99 min – 3,75 € – TRAILER