Otsailak 9 larunbata, 18:00etan: Musikala “GO!AZEN 5.0” Pausoka. Udara iritsi da berriro ere eta Basakabik ateak zabaldu ditu, Zuzen buru duela. Eta honekin batera, abentura, maitasun istorio eta lagunen arteko kontu berriak sortuko dira. Batzuetan umorez beteak, beste batzuetan berriz, negarra eragingo digutenak. Aurreko urteetan bezala, antzerki obra musikala izango da hau. Telebistan ikusi ahal izango diren istorio eta gora beherak laburtu eta moldatuko dituen ikuskizuna. Zuzendaria: Idoia Uranga. Elenkoa: Asier Burgete, Iker Villa, Ainhoa Larrañaga, Beñat Iturbe, Maria Redondo, Itziar Urretabizkaia. Euskaraz Iraupena: 80 min. Adin gomendatua 5-16 urte. Sarrera: 10 € (8 € Amurrioko antzokiko bazkideentzat).
AKTUALITATEA
2019ko Urrezko Guk Aiara Dantza Taldeak jasoko du
2019ko Urrezko Guk sariduna Aiara Dantza Taldea izango da. Martxoaren 23an, arratsaldeko 19.00etan, jasoko dute Amurrio Antzokian.
Aspaltza Amurrio Euskara Elkarteak bi ludoteka zerbitzu antolatu ditu martxorako Inauteriak eta jai-zubia dela eta
Euskararen erabilera sustatzen lan egiten duen Aspaltza Amurrio Euskara Elkarteak, Udalaren laguntzaz, bi ludoteka antolatu ditu martxorako. Zehatzago esateko, ludoteka 1, 4, 5 eta 18 martxoaren izango da. Inauteri oporrekin eta jai-zubiarekin bat egiten dute. Martxoaren 1, 4 eta 5ean ludotekan parte hartzeko, otsailaren 21era arte egin daiteke matrikula, eta martxoaren 18ko ludotekan parte hartzeko, matrikulatzeko epea hil horren 10ean amaitzen da.
1.958 ikasle daude matrikulatuta 2018-2019 ikasturtean Amurrio derrigorrezko hezkuntzako ikastetxeetan B eta D ereduetan
1.958 ikasle daude matrikulatuta Amurrioko udalerrian derrigorrezko hezkuntzako ikastetxeetan 2018-2019 ikasturterako. 404 ikasle ari dira ikasketak B ereduan egiten (irakaskuntza bi hizkuntzetan eskaintzen da: ikasgai batzuk gazteleraz eta beste batzuk euskaraz). Bestalde, 1.554 ikaslek D ereduan ikasten dute (irakaskuntza euskaraz gauzatzen da, oso-osorik, gaztelania beste ikasgai bat izanik). Lehenengo aldiz eskolara joango diren umeentzako matrikulazio aldia zabaltzen dela eta, Udal honek gure bizitza soziokulturaleko arlo guztietan euskara bultzatzeko daukan interesari jarraituz, eskuetan jartzen du informazio orri labur hau bat.
ESKOLARATZEA ETA HIZKUNTZA EREDUAK
Eskolaratzeak pertsona bezala hazten eta garatzen lagunduko dion prozesua hasiko duela suposatzen du. Eskolaratzea gizartean sartzea da, eskola baita gizarte harremanekin, ohiturekin eta oinarrizko ikaskuntzekiko harremanak bideratzen dituen Erakundea. Horregatik, gurasoen adiera eskatu egin behar da, seme-alaba eskolara bidaltzeak berarekin baitarama konpromisozko erabakia hartu beharra, azken honetan hizkuntza ereduaren hautapena barnesartu egin behar delarik.
Gaur egun 2-3 urteko haurrak Amurrion matrikulatzeko dagoen hizkuntza eredua honako hau da: D eredua (irakaskuntza euskaraz eskaintzen da, oso-osorik, eta gaztelania/ingelera aurrerago beste ikasgai bat izanik). Aldiz, Lehen Hezkuntza eta Derrigorrezko Bigarren Hezkuntzan B eredua ere eskaintzen da (irakaskuntza bi hizkuntzetan eskaintzen da: ikasgai batzuk, matematika eta erlijioa kasu, gazteleraz eskainiz eta gainerakoak euskaraz).
Gaur egun DBHn Amurrion matrikulatzeko dagoen hizkuntza eredua honako hau da: D eredua (irakaskuntza euskaraz eskaintzen da, oso-osorik, eta gaztelania/ingelera aurrerago beste ikasgai bat izanik) eta B eredua (irakaskuntza bi hizkuntzetan eskaintzen da, ingeleraz gain: ikasgai batzuk, matematika eta erlijioa kasu, gazteleraz eskainiz eta gainerakoak euskaraz).
AMURRIO UDALERRIKO IRAKASKUNTZARI DAGOZKION 2018-2019 IKASTURTEKO MATRIKULAZIO DATUAK:
B eredua D eredua
Bi urteko gelak ……………………………………………….0 (%0) ………………………….118 (%100)
Haur-hezkuntza (3-5 urte)…………………………………0 (%0) ………………………… 377 (%100)
Lehen Hezkuntza (1.,2.,3.,4.,5.,6.)………………….288 (%37,26)………………….. 485 (%62,74)
Derrig. Bigarren Hezkuntza (1., 2., 3., 4.) ………..116 (%20,60) …………………..447 (%79,40)
Batxilergoa ……………………………………………………..0 (%0) ………………………..127 (%100)
GUZTIRA (1.958 ikasle)………………………………..404 (%20,63)……………….1.554 (%79,37)
Horregatik guztiagatik, Amurrioko Udalak gurasoei gure udalerrian euskara zabaltzea eta beronen erabilpena bultzatzea aholkatzen dizue. Halaber, ikasle elebidun(ar)en gurasoei euskara eta euskal kulturarekiko jarrera positiboa izatea eskatzen zaie, horrela, ikasleak biez goza dezan lagunduko baitute.
Zine Amurrio Antzokian
Amurrioko Udalak berriztatu egin du Vicente Ferrer Fundazioarekin sinatuta duen lankidetzarako hitzarmena
Amurrioko Udalak eta Vicente Ferrer Fundazioak aspalditik aurrera daramaten lankidetza hitzarmena berriztatu dute gaur goizean. Akordio horren xedea, Indiako Anantapur barrutian urritasuna duten eta kolektibo zaurgarrietakoak diren pertsonen eta beraien familien bizitza baldintzak hobetzea da. Egokitutako 30 etxebizitza duin eraikiko dira, oinarrizko saneamendu egokiarekin, egoera eskasagoan dauden kastatakoak diren, landa inguruetan bizi diren eta urritasun fisiko edo psikiko maila desberdinak dituzten pertsonei zuzenduta. 122 pertsona, 63 emakume eta 59 gizon, izango dira egitasmoaren onuradunak.
Horrez gain, proiektu horren bitartez, prestakuntzaren eta sentsibilizazioaren bidez, biztanleek komunitate mailan parte hartzea bultzatuko da, herritar horiek euren eskubideen eta beharren aldeko borrokan inplikatzeko eta ahalduntzeko helburuarekin, eta biztanle guztien artean urritasuna duten pertsonen eskubideak eta beharrak ikusgai bilakatzeko eta horien gizarteratzea sustatzeko. Bilera horietan nabarmendu egingo da emakumeak direla urritasunak berarekin daramatzan diskriminazioa eta zaurgarritasuna gehien jasaten dutenak.
Egitasmoak 70.656 euroko kostu osoa izango du, eta Amurrioko Udalak 10.000 eurorekin lagunduko du, horrelako egitasmoak bat datozelako Udalak gizarte garapenaren eta emakumeen ahalduntzearen inguruan dituen helburuekin. Udalak hainbat urtez lagundu ditu GKE horren proposamenak, 2008tik 2013ra, etengabe. Hiru urteko geldialdiaren ondoren, lankidetzarekin jarraitu zen. 2016an, “74 emakumerentzat eta euren familientzat oinarrizko saneamendua duten etxebizitza duinak, Shaiksanipalli eta Bethapalli landa erkidegoetan, Anantapurreko barrutian” izeneko proiektua finantzatzen laguntzea erabaki zen.