Amurrioko Udalak, Ingurumena Kudeatzeko Europar Batasuneko EMAS Sistema du ezarrita 2003. urteaz geroztik. 2022an berritu egin du ziurtagiri hori, eta bere Ingurumen-adierazpena eskuragarri dago jada, AENORek ikuskatu eta balioztatutako dokumentua, herritar guztiek eta alde interesatuek Amurrioko Udalak 2021ean gauzatutako ingurumen-jarduera ikus dezaten.
AKTUALITATEA
Garbigune: Bero-bolada
Aurreikusitako bero-bolada eta tenperatura altuak direla eta, garbigunea irekitzeko ordutegia aldatu egingo da egun hauetan: Uztailaren 12tik (asteartea), uztailaren 18ra (astelehena): 8:00etatik 13:00etara (erabiltzailearen azken sarrera). Ezohiko egoera hori dela eta, ostegun edo ostiraletan
hondakinak utzi ahal izango dira arratsaldean garbiguneko atean, eta garbiguneko langileek hurrengo goizean sartuko dituzte. Mesedez, utzi hondakinak ahalik eta modu ordenatuenean.
Amurrioko Udalak udalerriko kultur eta sormen eragileen arteko lehen topaketarako deialdia egin du Kulturako Plan Estrategikoaren barruan
Amurrioko Udalak udalerriko kultur eta sormen eragileak gonbidatu ditu bere Kulturako Plan Estrategikoa aktibatzeko ekintzen barruan dagoen laneko topaketara. Bilera uztailaren 21ean izango da, 19:00etan, katekesiko aretoan.Udalerriko kultur eta sormen sektorea deitzeko ekimenak, “Kohesioa eta koordinazioa” izeneko Kulturako Plan Estrategikoaren lehen ardatzari erantzuten dio, eta Amurrioko kultur eta sormen eragileen arteko harremana sortzea eta sendotzea du helburu.
Irailaren 23ra arte Amurrioko Liburutegiak udako ordutegia izango du jendeari zabaltzeko
Irailaren 23ra arte Amurrioko Liburutegiak udako ordutegia izango du jendeari zabaltzeko. Uztailean eta irailean, astelehenetik ostiralera, 09:00etatik 14:00etara egongo da zabalik, eta larunbatetan 09:30etik 13:30era. Liburutegia itxita egongo da abuztuaren 8tik 19ra, eta hil horren gainerako egunetan, astelehenetik ostiralera 09:00etatik 14:00etara egongo da zabalik, eta larunbatetan itxita egongo da.
Uztailaren 11tik abuztuaren 29ra, biak barne, debekatuta dago Araba kaleko aparkalekuan aparkatzea
Kuadrillek jaietako karrozak egin behar dituztela eta, debekatuta dago Araba kaleko aparkalekuan aparkatzea uztailaren 11ko 08:00etatik abuztuaren 29ra arte, biak barne.
Abuztuaren 16an, 08:00etatik aurrera, debekatuta egongo da ibilgailuak aparkatzea Araba kalean, Telefónicaren eraikinetik hasi eta aparkalekura bertara doan tartean.
Amurriok gazteen egoera aztertzeko diagnostikoa egin du
Amurrioko Udalak udalerriko gazteen egoerari buruzko diagnostikoa egin du, 2017an egindako aurreko azterlanean bildutako informazioa eguneratzeko eta zabaltzeko. Azken hiru hilabeteetan lantzen ari den gazteen partaidetza-prozesuan oinarrituta dagoen diagnostikoa Gazteria Planaren aurreproiektua eraikitzeko oinarria izango da.