La Casonan dagoen Amurrioko Udal Liburutegia 09:00etatik 14:00etara egongo da zabalik  irailaren 18ra arte, liburuak maileguan utzi eta itzulketak jasotzeko. Katalogoa etxean, www.liburubila.euskadi.eus bidez, begiratzeko aholkua egiten da, zer aukeratu nahi den erabakitzeko. Bestalde, Amurrioko udal irakurketa-zentro honek beste aholku bat ere ematen digu: maileguak aurretik eskatzea, 945393720 telefonora hots eginda, 607017451 zenbakira watsap bat bidalita edo liburutegia@amurrio.eus helbidera mezu bat bidalita.

Amurrioko Udalak, sarietan 6.500 euro banatuko dituen “Amurrioko hiribildua” XXXIV. arte sariketa deitu du. Artelanak iraileko lehenengo hamabostaldian jasoko dira, eta sariak irailaren 25ean banatuko dira aukeratutako artelanekin La Casonan egingo den erakusketaren inaugurazio ekitaldian. “Amurrioko hiribildua” 2020 arte sariketan, partaide bakoitzak duela denbora gutxi egindako eta aurretik beste lehiaketa batean saritu gabeko bi artelan original aurkeztu ahal izango ditu. Teknika eta gaia libreak dira. Artelanen neurriei dagokienez, bi dimentsioko artelanak ez dira 150 x 150 zentimetro baino handiagoak izango, eta hiru dimentsiokoak direnean, ezin izango dira 100 zentimetrotik gorakoak izan.

6.500 euro banatuko dira sarietan, eta irabazle bakoitzari oroimeneko eskultura bat emango zaio. Lehenengo saria 4.000 eurokoa izango da, eta bigarrena 1.500 eurokoa. Horrez gain, 1.000 euroko saria emango zaio Amurrioko biztanle batek egindako lan onenari. Artelanak irailaren 1etik 13ra jasoko dira La Casonan, 10:00etatik 14:00etara, astelehenetan izan ezik. Sariak irailaren 25ean banatuko dira, 19:00etan, sariketatik aukeratutako artelanak hilabete batez jasoko dituen erakusketaren inaugurazio ekitaldian.

Maiatza eta ekainean bezala, KZguneak uztailean zehar Youtube KZguneaTIC bidez zuzeneko hitzaldi berri batzuk egiteko asmoa du, goizez zein arratsaldez. Zuzeneko hitzaldietara joateko, interesa duten pertsonek Interneterako konexioa baino ez dute behar, YouTubeko ekitaldirako sarrera librea izango baita (ez da beharrezkoa aldez aurretik izena ematea).  

Dagokion egunenan jasoko dute!. Aurreko gaunean utzi behar dira trasteak.

Edo aldez aurretik deitu 900101476.

Erreserba bidez baino ez da sartuko, 8: 15etik 15: 00etara.

Erabilera-araudi berria

• Maskarilla nahitaezkoa izango da eraikinera sartzeko, eta segurtasun-distantziarik ez badago.

• Instalazioetara sartu ondoren, harreran identifikatu beharko da gelan sartu ahal izateko.

• Ikasgela erabili baino aurreko egunean bakarrik erreserbatu ahal izango da, eta eguneko erreserba bakarra onartuko da 945891721 telefonora deituz (Amurrio Bidean).