Amurrioko Udala Nerbioi ibaiaren bioerremediaziorako proiektu pilotua ari da egiten, Amurrio erdialdetik igarotzean. Horretarako, ezaugarri desberdinak dituzten udalerriko lau hobi septiko aukeratu dira, tratamenduak zelan funtzionatzen duen eta udalerriko hobi septikoetan dauden arazoak hobetzeko eraginkorra den ala ez ikusteko.

Partaidetzan oinarritutako AmurriokoEKIN aurrekontu kanpaina prozesuaren hirugarren fasean sartu da, lehentasunak ezartzeko prozesuan, hain zuzen ere. Puntu horretan, abenduan egingo den herritarren azken bozketara igaroko diren proposamenak aukeratuko dira. Horretarako, herritarrentzat zabalik egongo den lehentasunak ezartzeko saioa antolatu da, azaroaren 27an, arratsaldeko 18:00etan, Katekesiko aretoan.

Amurrioko Udalak, udalerriko hainbat lur-sailetan, Erroiaspe, Estaketa, Sastra, Lupetza, Pardio eta Arregikozelai guneetan, dauden 10,24 hektarea zuhaitzez birlandatuko ditu. Gune horien egungo egoera, behin betiko ustiapenaren eta aprobetxamenduaren ondoren, baso soila edo parte batean birgaitua da. Jarduketa hori, “Amurrioko erabilera publikoko 1 zenbakiko basoko eta baso publikoko zenbait lur-sailetan 43,89 hektarea birlandatzeko proiektuaren” barruan jasotzen da. 

Amurrioko Udaletik ahalik eta gehien lagundu nahi zaio Hodeiri, ataxia telangiektasia izeneko endekapeneko gaixotasun arraroa duen herriko umeari. Horretarako, udaletik plastikozko tapoien bilketa bultzatu nahi da.

Urtero bezala abenduaren 3an ospatuko da Euskal Herri osoan Euskararen Eguna. Euskararen Egunak ospatzearen helburua amurrioarren artean euskararen erabilera sustatzea da. Amurrion Euskararen Egunak ospatzeko haur eta helduentzako ekintza aintz antolatu dira.