Amurrioko Udalaren Musika Fundazioaren Zuzendaritza Batzordeak honako hau erabaki zuela 2020ko ekainaren 17ko bilkuran:

Astebururo jardueraren bat jasotzen zuen Amurrioko jai eta aisialdi giroa, erabat eten zen duela hiru hilabete, Covid-19ak sortutako osasun krisiaren ondorioz. Horregatik, ekitaldi handiak eta herriko jaiak bertan behera geratu diren arren, bestelako uda kultural bat planteatu da, aisialdi jarduerekin, baina betiere segurtasunean oinarritutako ikuskizunak emanez.

Aurtengo San Juan sua modu berezian ospatuko da Amurrion. Tradizioak agintzen duen bezala, ekainaren 23ko gauean, Amurriok bere sua piztuko du. Herriko hainbat kultur elkartek parte hartuko duten ekitaldia zuzenean emango da. Udalak bertara ez joateko dei berezia egin die herritarrei, jende pilaketak saihesteko, Covid-19ak sortutako ez ohiko egoera dela eta.

Sareko saioa ekainaren 25ean izango da, 14:00etatik 16:00etara, eta Aiarako Kuadrillako ekintzaileei, enpresa txikiei eta profesionalei dago zuzenduta. Hitzaldia Zorraquino diseinu estrategikoko aholkularitza-enpresaren esku egongo da; enpresa entzutetsua da Euskadin, eta urtero joerei buruzko txostenak egin eta aurkezten ditu. Vital Fundazioak finantzatzen du. Saioaren helburua da bizitako osasun-larrialdiaren egoeraren ondoren egikaritu edo aurreikusten diren aldaketak partekatzea, erakunde horren ikuspuntu aurreratutik. Zorraquinok enpresak, erakundeak eta profesionalak ematen ari diren erantzunak identifikatu ditu, aldatzeko eta lankidetzan aritzeko, euren produktu eta zerbitzuez haratago pentsatzeko eta euren ekintzen eragin positiboan ipintzeko arreta.

Amurrioko udal igerilekuak ekainaren 23an, asteartean, zabalduko dira, irailaren 13ra arte, Eusko Jaurlaritzako Osasun Sailak ezarritako neurriak betez. Horretarako, erabiltzaileen segurtasuna indartu egingo da segurtasunezko distantziak hartuz eta instalazioan higiene-neurriak zorroztuz. Datorren astetik aurrera, udako igerilekuak irekiko dira, agintariek emandako jarraibideak errespetatuz. Horien artean, edukierari dagokiona dago, gaur egungo egoeran instalazioaren %60 erabili ahal izango baita. Amurrioko igerilekuetan 1.200 pertsona sartzen dira, baina normalean ez da kopuru hori lortzen. Hain zuzen ere, iaz, pertsona gehien egon zen egunean, 1.240 pertsona sartu ziren igerilekuetara egun osoan.

Amurrio Bidean-etik, Aiarako Koadrilarekin eta Vital Fundazioak finantzatuta, ekainaren 29tik uztailaren 10era streaming-ean (on-line zuzenean) prestakuntza-aste bat prestatu dugu, lana bilatzeko presta zaitezen. Tailerrak Zoom-en bidez emango dira, 09: 00etatik 12: 00etara, bost egunez. Eta amaitzeko, parte-hartzaileek banakako tutoretza bat izango dute, ordubetekoa, prozesua erraztu duen pertsonarekin, bere kasu partikularra kontrastatu ahal izateko.

Programa honek eskaintzen dituen talde-jardueren bidez eta bideratzailearen laguntzarekin, parte-hartzaileek enplegua bilatzeko tresna eta trebetasun pertsonal eta profesional erabilgarrietan sakonduko dute. Talde-sinergia bat sortuko da elkarrekiko laguntzan eta lankidetzan oinarrituta. Aldi berean, taldeak elkarri lagunduko dio enplegua bilatzeko bidea planifikatzeko eta garatzeko estrategia egokiak eraikiz.

Prestakuntza hau Aiarako Kuadrillan bizi den pertsona orori zuzenduta dago, baldin eta lanean ari bada edo lana bilatzeko prozesua hasi behar badu eta laguntza behar izanez gero. Parte hartzeko, beharrezkoa izango da parte-hartzaileak online prestakuntza jarraitzeko behar dituen tresna teknologikoak eskura izatea: erabiltzaile-mailako trebetasun digitalak, ekipo informatikoa eta Interneterako sarbidea.

Informazio gehiagorako eta izena emateko jarri harremanetan Amurrio Bidean-ekin, empresa@amurriobidean.org helbidean edo 945891721 telefonoan.