Aiarako Kuadrilatik kudeatzen den etxeko hondakin handiak biltzeko zerbitzuak ostiral guztietan ematen du zerbitzua Amurrion. Azken asteetan zerbitzua modu desegokian erabili dela ikusita, Udalak etxeko objektu handiak uzteko ezarrita dagoen protokoloa betetzea eskatu die amurrioarrei.

Hondakin handiak, etxetik gertuen dagoen zabor edukiontziaren ondoan utzi beharko dira bildu aurreko eguneko arratsaldean, hau da, Amurrioko kasuan, ostegun arratsaldeetan atera beharko dira. Aurretik, 900101476 telefono zenbakira deitu beharko da edo Linea Verde aplikazio mugikorraren bitartez jakinarazi beharko da. Bertan intzidentzia bat sortuko da, kokalekua, argazkia eta deskribapen laburra adieraziz.

Objektu handiak Larrabe auzoan dagoen Garbigunean ere utzi ahal izango dira asteko edozein egunetan, ordutegi honetan: astelehenetik ostiralera 10:00etatik 14:00etara eta 15:00etatik 18:00etara, eta larunbatetan 09:00etatik 14:00etara.

Traste handiak jasotzeko zerbitzua-Iraila

 “Udako Kultur tantak. Cultura a pie de calle” kultur programak hainbat jarduera ditu aurreikusita irailerako. Kultura eta aisia eskaintzak, kaleko antzerkia, formatu txikiko kontzertuak, dantza ikuskizunak eta bertso saio bat izango ditu. Emanaldi guztiak, ikus-entzuleentzat seguruak izango diren formatuetan gauzatuko dira, une oro osasun agintariek ezarritako neurriak eta aholkuak errespetatuz. Halaber, Amurrioko Udalak, pandemiaren bilakaera kontuan izanda, programatutako edozein ekitaldi egunez aldatzeko edo bertan behera uzteko aukera ebaluatu ahal izango du era puntualean.

Ikuskizunetako segurtasuna bete ahal izateko, jarduera guztiek aurretik ezarritako edukiera izango dute, eta bertaratutako guztiek jarrita egon beharko dute. Gainera, 6 urtetik gorakoek maskara eraman beharko dute, eta higiene eta osasun neurrien protokoloa bete beharko da, eskuak garbitzea, adibidez.

 ‘UDAKO KULTUR TANTAK. CULTURA A PIE DE CALLE’ IRAILEKO PROGRAMAZIOA

Irailak 4: “Viernes 6”, kontzertua. 20:00etan, Juan Urrutia parkean.

Irailak 6: Tio Teronen semeak: “Frescool”, dantza. 19:00etan, Frontoian.

Irailak 7: Magialdiaraba, magia ikuskizuna. 19:30ean, Amurrio Antzokian. Sarrera doakoa izango da.

Ikuskizun horri dagokionez, 7 eta 12 urte arteko umeei zuzendutako magia tailerra programatu da. Parte hartzeko Kultur Etxean eman beharko da izena.

Irailak 11: Carl I&I+Aiaraldeko Sound System, kontzertua. 20:00etan, Juan Urrutia parkean.

Irailak 13: Zanguango: “Al otro lado”, antzerkia. 19:00etan, Juan Urrutia parkean.

Irailak 18: Blues morning singers, kontzertua. 20:00etan, Juan Urrutia parkean.

Irailak 20: “Ez da kasualitatea”, bertso saioa. 19:00etan, Juan Urrutia parkean.

Irailak 25: Chiki Lora, kontzertua. 20:00etan, Juan Urrutia parkean.

Irailak 27: “Turistreando” Trapu zaharra, antzerkia. 19:00etan, Juan Urrutia parkean

Amurrioko Udalak, enpresa txiki eta ertainei eta autonomoei zuzendutako 100.000 euroko partida ekonomikoa prestatu du, osasun krisiak eragindako ondorio negatiboak arintzeko eta herriko ekonomia suspertzeko. Laguntza zuzenen sorta hori, ekainaren erdialdean aurkeztutako ‘Amurrion bizi’ programaren barruan dago. Programa horren helburua, hainbat neurri hartuta, suspertze ekonomikoaren bitartez, Amurrio indartzea da.

Amurrioko Udalak, enpresa txiki eta ertainei eta autonomoei zuzendutako 100.000 euroko partida ekonomikoa prestatu du, osasun krisiak eragindako ondorio negatiboak arintzeko eta herriko ekonomia suspertzeko. Laguntza zuzen sorta hori, ekainaren erdialdean aurkeztutako ‘Amurrion bizi’ programaren barruan dago. Programa horren helburua, hainbat neurri hartuta, suspertze ekonomikoaren bitartez, Amurrio indartzea da.

Zuzeneko laguntza-lerro hori, udalerrian jarduera ekonomiko bat gauzatzen ari diren edo ari ziren eta Covid-19ak eragindako pandemiaren ondorioz diru-sarrerak murriztuta ikusi dituzten enpresa txiki eta ertainei eta autonomoei laguntzera dago bideratuta. Gauzatutako enpresa-jardueraren arabera, laguntzaren gehieneko zenbatekoa 300 euro eta 500 euro artekoa izango da.

Baldintza hauek betetzen dituztenek jaso ahal izango dituzte laguntzak:

• Amurrioko udalerrian jarduera ekonomiko bat gauzatzea, gaur egun edo alarma-egoera adierazi zen unean, eta Ekonomia Jardueren gaineko Zergan alta emanda egotea (edo 2020ko martxoaren 14an hala egotea), epigrafe hauetakoren batean:

– 1. sekzioa (enpresa jardueretarako JEZeko epigrafeak): 4. atala (Beste manufaktura-industria batzuk), 5.                    atala  (Eraikuntza), 6. atala (Merkataritza, jatetxeak eta ospitaleak, konponketak), 7. atala (Garraioa eta                          komunikazioak), 8. atala (Finantza erakundeak, aseguruak, enpresei emandako zerbitzuak eta alokairuak) eta              9. atala (Beste zerbitzu batzuk).

– 2. sekzioa (Jarduera profesionaletarako JEZeko epigrafeak)

– 3. sekzioa (Jarduera artistikoetarako JEZeko epigrafeak).

• Pertsona fisikoen kasuan, udalerrian erroldatuta egotea edo jarduera ekonomikoari lotutako establezimenduren bat izatea. Pertsona juridikoen kasuan, haien egoitza sozialak Amurrion egon beharko du.
• Lataldea ez da 5 langiletik gorakoa izango, jardueraren titularra barne.
• Adierazitako baldintzaren bat betetzen ez duten enpresen ehuneko 25etik gorako lotura edo partaidetza ez izatea.
• Zerga-arloko eskakizunak dituzten herri-administrazioekiko betebeharrak egunean izatea, eta baita Gizarte Segurantzarekiko betebeharrak ere.
• Amurrioko Udalarekin edo haren mendeko ezein erakunderekin inolako kontraturik indarrean ez izatea.

Bi laguntzetarako eskabideak aurkezteko epea deialdia ALHAOn argitaratu eta hurrengo egunean hasi eta irailaren 30ean amaituko da.

Amurrioko Udalak aparkatzeko gune berria egingo du Lexarraga auzoan, auzoetako batzarren bitartez gauzatutako prozesu parte-hartzaileetan bideratutako eskariari erantzunez. Aparkalekua eraikitzeko lanek  19.110 euroko inbertsioa eskatuko dute.

Lexarraga auzoak automobilak uzteko gune zabalagoa izango du,  20 ibilgailurentzako lekua aurreikusten duen 725m2ko aparkalekua eraiki ondoren. Hirigunetik gertu dagoen etxebizitza guneko bizilagunek, urtero egiten diren bileretan, inguru horretan automobilak aparkatzeko leku gehiagoren beharra adierazi diote Udalari.

Hainbat aukera baloratu ondoren, Jesús Galíndez kalea eta Lexarraga inguruan dagoen lursail bat egokitzea erabaki da, aparkaleku bilakatzeko. Lanen hasieran, une honetan dagoen metalezko hesia kendu, sastarrak garbitu eta ingurua txukunduko da, ondoren orubea egokitu eta aparkaleku bilakatzeko.

Eskolako Agenda 2030 2015ean onartu zuten 150 estatuburuk eta gobernuburuk baino gehiagok Garapen Jasangarriaren Gailurrean. Agendan Garapen Jasangarriaren 17 Helburu jasotzen dira, eta herrialde guztiei, aberatsak zein txiroak izan, eskatzen zaie neurriak hartzeko planetak bizi duen klima- eta gizarte-larrialdiari erantzuteko. Amurrio, Aiara eta Laudioko ikastetxeek erabaki dute datorren ikasturtean Garapen Jasangarriaren 13. Helburuari helduko diotela elkarlanean. Horren xedea da klima-larrialdia eteteko ekintza azkartzea, arintze- eta egokitze-neurriak bultzatzearen bidez.

Eskolako Agenda 2030 programa 2030eko jasangarritasunaren aldeko hezkuntza-estrategia handia da eta ikasleek udalerrietako ekintza-planetan parte hartzeko oinarrizko ildoa da. 2002an, Eskolako Agenda 21 martxan jarri zen Euskal Autonomia Erkidegoko udalerrietan eta eskola eta udalen arteko elkarlana hasi zen. Orain, Eskolako Agenda 2030 programa berriak ikastetxeen, Eusko Jaurlaritzako Hezkuntza eta Ingurumen Sailaren eta udalen arteko elkarlana du ardatz eta tresna eraginkorra izango da eskola curriculumaren oinarrizko gaitasunak garatzeko, ikasleek ingurumen-arazoekiko sentsibilizazioa izateko, kutsadurari aurre egin ahal izateko, biodibertsitatea mantentzeko eta klima-aldaketaren eragina mugatzeko; hori guztia Garapen Jasangarriaren Helburuak oinarri hartuta.

Klima-aldaketak kontinente guztietako herrialde guztiei eragiten die eta horien ekonomian, pertsonen bizitzan eta komunitateetan oso inpaktu txarra du. Etorkizunean are ondorio larriagoak izango ditu. Klima-patroiak aldatzen ari dira, itsasoaren mailak handitzen ari dira, klima-gertakariak gero eta muturrekoagoak dira eta berotegi-efektuko gasen maila historian izandako altuena da. Ez badugu ezer egiten, lurraren gainazalaren batezbesteko tenperatura 3 gradu zentigradu igo daiteke mende honetan. Pertsona txiro eta zaurgarrienak izango dira kaltetuenak.

Gaur egun, konponbide bideragarriak ditugu eskura edozein herrialdek ingurumenarekiko jarduera ekonomiko jasangarriagoa eta errespetu handiagokoa izateko. Gero eta azkarrago aldatzen ari dira gai honekiko dauden jarrerak, gero eta jende gehiagok hartzen dituelako ohitura jasangarriak. Gainera, gero eta jende gehiagok egiten du uraren, energiaren eta materialen erabilera eraginkor eta eragingarriagoa; kontsumo jasangarria eta energia berriztagarriak zein motorizatu gabeko mugikortasuna ere gero eta ohikoagoak dira, baita hondakinak birziklatu eta horien konpostatzea ere. Gaur egun, isurtzeak murrizteko aukera berrien aldeko apustua egiten da eta esfortzu handiagoak egiten ditugu, karbono-maila txikiko ekonomia garatzearen bidez.

Amurrion, urtero, gero eta CO2 gehiago isurtzen dugu atmosferara; beraz, hori murrizteko lan egiten jarraitu behar dugu.