Kzgunea amurrio
Irailean, KZGuneak aurrez aurreko eta doako zenbait ikastaro eskainiko ditu gaztelaniaz

KZguneko zerbitzuak zenbait (doako) ikastaro presentzialak eskainiko ditu. Lau ikastaro izango dira: “Facebook, konektatu lagun eta senideekin”; “Kudeatu zaitez Google aplikazioekin”; “Smartphones eta tabletak” eta “Egon zaitez aktibo Google Fit eta Wikilocekin”. Lehenengoa, “Facebook, konektatu lagun eta senideekin” izenekoa, irailaren 3tik 6ra eskainiko da. Facebook, 8 orduko ikastaroa. Erabiltzaile gehien dituen sare soziala. Zure profila sortu, Facebook erabiltzen hasi kalitatezko eta interesgarriak diren edukiak partekatuz eta herraminta honek eskeintzen duen pribatasun neurriei esker, seguru senti zaitez. Ikasi ezazu munduan ezagunena den sare soziala sakontasuntasunez. Bere funtzio aurreratuak ezagutu, argazkiak eta bideoak igo, zure lagunak bilatu eta hauekin harremanetan egon edonon daudela eta albiste interesgarrietara harpidetu zaitez.

Aspaltza amurrio
Irailean berriro jarriko dira abian Aspaltza Amurrio Euskara Elkarteak antolatutako ludotekak

 Aspaltza Amurrio Euskara Elkarteak ludoteka antolatu du irailaren 2tik 6ra arte, 10:00etatik 13:00etarako ordutegian. 2/8 urte bitarteko haurrei zuzenduta dago. Eguneko 4 eurokoa da prezioa. Egun soltetarako ere egin daiteke matrikula. Udal Elkarte honek Amurrioko ­Aiara kaleko 7.ean dituen lokaletan egingo diren ludoteka hauetan jolasak eta lantegiak antolatuko dira. Amurrioko Udalak diruz lagundutako ekintza da. Nahi duenak matrikula egin dezake aspal­tza@hotmail.com helbidera mezu bat bidaliz. Inskripzioa abuztuaren 26ra baino lehen egin beharko da. Mezu honetan, haurraren izen-abizenak, jaiotze data, ikastetxea eta harremanetarako telefono zenbakia idatzi beharko dira. Inportantea da alergiak eta intereseko beste gauza batzuk egunak aparte jakinaraztea. Plaza kopurua mugatua da eta matrikulazio ordena kontuan hartuko da, beti ere izen ematearen ostean adierazitako data barruan ordainduz gero. Talde bat baino gehiago egitekotan, adinaren arabera banatuko dira.

DEFINITIVO comprimido
Udalak, jaietan adingabeei alkohola saltzearen inguruko kontrola eta kontzientziazioa bilatzen duen “Ez bazara heltzen, ez” kanpaina bultzatzen du
Acuerdo Firma Clubes de fútbol 2
Amurrioko Futbol Taldeek Udalerriko Etorkizuneko Futbol belaunaldietarako betetako egitasmos sortzeko konpromisoa agertu dute
Biblioteca copia
Irailaren 23ra arte Amurrioko Liburutegiak udako ordutegia izango du jendeari zabaltzeko
araba euskaraz 2020 amurrio kamiseta
Amurrion izango da Araba Euskarazeko datorren edizioa 2020ko ekainaren 14an
La Casona

Maiatzaren 8an banatuko dira Amurrioko jaietarako kartelen lehiaketetako sariak

Maiatzaren 8an, Amurrioko Jaietako Kartel Lehiaketaren eta Jaietako programaren Kontrazalerako Haur Lehiaketaren sariak banatuko dira. Ekitaldia La Casonako erakusketa-gelan izango da, 20:00etan. Egun horretan bertan, bi lehiaketetan hautatutako lanen erakusketa zabalduko da, eta hil horren 30era arte egongo dira ikusgai. Erakusketa hau jendaurrean izango da asteartetik ostiralera 10:00etatik 14:00etara eta 17:00etatik 19:00etara; larunbat eta igandeetan, berriz, 10:00etatik 14:00etara.

Eskualdeko lineetan herri arteko garraioen maiztasunak handitu egin dira

Aiarako eskualdeko garraio lineetan maiztasuna handitu egin da, bai lan ordutegietan bai asteburuetan. Arabako Foru Aldundiak bidaiarien herri arteko garraio erregularrerako zerbitzu publiko honen kudeaketa Autobuses La Unión enpresari esleitu dio Aiarako lineetan, 8.991.890 euroan zenbatetsitako aurrekontua eta hamar urteko epea ezarrita. Berrikuntza moduan, lineen bereizketa sartu da. Gasteiz-Amurrio-Llodio enbor-linea hau eta Artziniega-Amurrio eta Okondo-Laudio arteko eskualde-lineak daude. Hori guztia sendotu egingo da goizeko lehen orduan Artziniega-Gasteiz bitarteko linea bat jarrita.

Era berean, esleipen honek Artziniega-Amurrio-Laudio eta Okondo bitarteko eskualde-linea ere beteko du. Linea honek eskualde honetako trafiko beharrizanak asetzera dago zuzenduta, batez ere, eskola-umeen garraiorako eta hurbileko kudeaketak egin behar dituzten erabiltzaileentzako. Beste berrikuntza bat da Gasteiz-Murgia-Izarra linea sendotzea. Zerbitzu berezitu gehiago ezarri dira, zertarako-eta Gasteiz-Amurrio-Laudio ibilbidea egiten duten autobusak Murgiara sartu behar ez izateko; horrela, bidaiariek denbora aurreztuko dute. Geraleku berriak ezarri dira Amurrion (San Jose) eta Laudion (Gurutze Gorria), eta zerbi­tzuak Aretaraino luzatu dira, bi n­oranzkoetan. Linea horietan BAT txartela erabiliko da, eta birkargatzeko sarea egongo da jarrita. Ordutegiak, tarifak, geralekuak eta ibilbideak zein diren jakiteko informazioa honako esteka honetan dago: www.alava.net.

App Ayuntamiento

Dagoeneko Amurrioko Udalaren aplikazioak 500 deskarga baino gehiago erregistratu ditu

Amurrioko Udalak otsailaren 5ean martxan jarritako sakelakoetarako aplikazioak, hilabeteren ostean, 500 deskargatik gora erregistratu ditu. Aplikazioak, udal albiste eta agenda erakusteaz gain, udalari intzidentzia ezberdinak helarazteko aukera ematen du, modu erraz eta praktikoan. Bi hilabetetan, 100 intzidentzia inguru jaso dira eta, ahal den neurrian, guztiak konpondu dira edo konpontze bidean daude. Udaletik benetan eskertu nahi da herritarren interesa eta aplikazioa erabiltzera animatu nahi ditu amurriar guztiak.

Tractor

Maiatzean nekazaritza ibilgailuen azterketa teknikoa egin ahalko da

Maiatzaren bigarren hamabostaldian, Applus Iteuve Euskadik nekazaritzako ibilgailuei egiten dien aldizkako azterketen urteroko kanpaina iri­tsiko da Amurrio udalerrira. Antola­tzaileek eskatzen dute ordainketa egiteko zenbateko zehatza eraman dadila: azterketa bakoitzeko 40,50 euro. Amurrion, maiatzaren 19an egin ahalko da, 10:30ean eta Baranbion maia­tzaren 22an 13:00etan. Beste azterketa ba­tzuk maia­tzaren 25ean egingo dira, Lezama (09:30ean), Larrinben (11:30ean), Lekamañan (12:00etan), Alorian (12:30ean) eta Artomañan (13:30ean). Hurrengo hitzordua maiatzaren 26an izango da Saratxon (09:30ean) eta Tertangan (10:30ean). Azkenik, nekazaritzako ibilgailuen azterketa teknikoa Delikan ere egin ahalko da maiatzaren 27an, 11:00etan.

amurrio antzokia

Zine Ikuskizunak – Proyecciones de Cine

apirilak 26 abril, 17:30: “La Leyenda del Santuario: Caballeros del Zodíaco”

apirilak 26 abril, 19:30: “Pride”

apirilak 27 abril, 20:00: “Pride”

maiatzak 3 mayo, 17:30: “Perdiendo el Norte”

maiatzak 3 mayo, 19:30: “Perdiendo el Norte”

maiatzak 4 mayo, 20:00: “Perdiendo el Norte”

 

Perdiendo El Norte Pride

Amurrioko jaietako abuztuaren 16ko Karroza Lehiaketan 2.000 euro banatuko dituzte sari eta dietetan

Amurrioko jaietako abuztuaren 16ko Karroza Lehiaketan 2.000 euro banatuko dituzte: 1.000 euro bost sariren bitartez eta beste 1.000 euro dietetan. Bost koadrilek parte hartuko dute: Euskotarrak, Dantza Lagunak, Trot-Art, El Boli eta Herriarenak. Karroza-desfilea Santa Maria elizako biribilgunean hasiko da eta Elexondo kalean barrena egingo du bidea, Aldai kalera arte. Asmoa da desfilea arina eta ikusleentzako erakargarria izatea.

Lehiaketako epaimahaiko kideak izango dira Udaleko ordezkariak eta bost elkarte, eta urtero txandatu egingo dira. Epaimahaikideek baloratuko dituzte, batetik, karrozen edertasuna eta originaltasuna; bestetik, karroza egiteko, animatzeko eta girotzeko egindako lana; eta azkenik, desfilearen harmonia.

Iguarrako

Página 142 de 143« Primera...102030...139140141142143