Bañueta kiroldegia

Amurrioko Udalak eta Baiko Eragin S.A. eta Taldesport Servicio Deportivos S.L. enpresek osatzen duten UTE Bañueta ABEEak, datozen 10 urteetan Bañueta kiroldegia kudeatzeko kontratua sinatu zuten atzo. Gastu estrukturalak ordaintzeko Udalak egingo duen ekarpena 484.950 eurokoa izango da, emakidak irauten duen 10 urteetan zehar banatuta.

Bi erakundeek, lehenengo hiru urteetan hainbat inbertsio egitea adostu dute, instalazioak hobetzeko eta erabiltzaileei zerbitzu hobea emateko. Hori dela eta, 600.000 eurora iritsiko diren inbertsioak egingo dira, bi padel pista instalatzeko, fitness makinak berriztatzeko eta 350m2ko fitness eta entrenamendu funtzional eta intentsitate handiko entrenamendu areto berri bat egiteko. Eraikinaren energia eraginkortasuna hobetzea da aurreikusitako beste inbertsio bat. Horrez gain, Kiroldegiaren sarreran elkartzeko gela bat ere proiektatu dute. Bañueta Kiroldegiko instalazioak eta zerbitzua etengabe hobetzeari begira, dauden beharrak eta hobetu beharreko arloak aztertzea ere aurreikusita dago. Emakidak 10 urteko iraupena du, eta bost urtez luzatu ahal izango da.

Give Box mapa

Amurrioko Udalak kalera aterako du Give Box ekimena azaroaren 15ean, ostiralean, proiektua ikusgai jartzeko eta haren erabilera sustatzeko helburuarekin. Gaur egun, Amurriok 10 kaxoi ditu, eta “Give Box Egunean” herritar guztien eskura egongo dira, objektuak trukatzeko. Euskadin aitzindaria den ekimena martxoan jarri zuen martxan Udalak eta oso erantzun ona izan du. Egunero hautematen dira objektuen mugimenduak. Horrelako proiektuen bidez, ingurumena hobetzeko eta berrerabilera bultzatzeko egin dugun apustuarekin jarraitzen dugu, eta baita herritarren, ikastetxeen eta elkarteen inplikazioa bilatzeko apustuarekin ere.

Proiektua abian jarri zenetik, hilabete hauetan, beste 9 Give Box gehitu dira gure udalerrira, hauek, hain zuzen ere: ikastetxeak, eskaut taldea, San Jose auzoko eliza, Nagusien Etxea eta Kultur Etxea. Guztiek ere euren Give Box saioak beraien zentroetatik edo lokaletatik kanpo aterako dituzte ostiralean.

Give Box-aren funtzionamendua

Give Box izenekoak erabiltzea oso erraza da. Espazio horretan, jendeak bitarteko ekonomikorik gabe partekatu nahi dituen bigarren eskuko objektuak gorde eta jaso ditzake, eta, horrela, bigarren bizitza eman ahal zaie egoera onean egon arren jada erabilgarri ez zaizkigun gauzei.

Kaxoien funtzionamendu egokirako, oinarrizko erabilera arau batzuk ezarri dira. Arauetan ezartzen denez, utzitako objektuek egoera onean egon behar dute, eta ezingo dira produktu galkorrak izan. Gainera, ez dira objektu handiegiak onartzen, horrelako objektuetarako Give Box-ek kortxo bat dute, bertan argazkia eta harremanetan jartzeko modua eskegiteko.

Mapa give box