Maiatzaren 26an “Mendi bizikleta ibilbide onenak” liburuari buruzko hitzaldia emango du beronen egile den Ivan Ruiz Rotaetxek. Ekintza hau Aiaraldeko Berbalagun programaren barruan sartzen da. Amurrioko AEK-ko euskaltegian izango da 18:00etatik aurrera. Izena emateko, whatsapp bat bidali beharko da 607673744 telefono-zenbakira maiatzaren 24ra bitartean. Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

Berbalagun programan doako online zerbitzua eskaintzen hasi dira doan, etxetik irten gabe euskaraz aritu ahal izateko. Berbalagun egitasmoak euskararen ahozko erabilera sustatzea du helburu, eta bertan parte hartzeko euskaraz ahoz komunikatzeko gaitasuna izatea ezinbestekoa da. Oso era praktikoan luzatzen da euskararen erabilera ardatza izanik.

Ikasturte berriarekin batera, martxan da berriro ere Aiaraldeko berbalagun programa. Honako hau 13. ikasturtea da, beraz Euskal Herri osoan ezaguna den fenomeno honek, indarra hartu du gure herrian ere. ­Hizkuntzaren ikaskuntzan, alboan utzi ezin daitekeen kontua da ikasitakoa praktikan jartzea, ez da gauza berria; euskara praktikatzeaz gain, jende berria ezagutu, euskararen munduan murgildu eta, finean, euskaraz bizitzeko aukera izango du izena ematen duenak. Mintzalaguna, euskaraz hitz egiteko ohitura duten pertsonak euskaraz hitz egiteko ohiturarik ez dutenekin elkartzean datza. Bertan, edozeinek har dezake parte, euskaldun zaharra, euskaltegiko ikasle ohia edo euskaltegiko ikaslea izan… Izena eman nahi dutenek Amurrioko eta Laudioko AEK euskaltegian edo udaletako euskara zerbitzuetan dute izena emateko aukera, baita telefonoz (607673744) edo emailez (aiaraldea@aek.eus) ere. Informazio gehiagorako blog-a ere badago: https://aiaraldea.blogspot.com/.