Korrikaren 22. edizioak Euskal Herria zeharkatuko du 2022ko martxoaren 31tik apirilaren 10era bitartean, Amurriotik abiatu eta Donostian amaituz. Aurretik, Amurrion Korrika Kulturalean sartutako hainbat ekintza antolatu dira otsailaren 25etik martxoaren 27ra bitarterako. Antzerkia, pailazo ikuskizuna, hitzaldiak eta eskulan-lantegia dira beheko koadroan zehazten diren ekintzetako ba­tzuk.

Korrika Kulturalaren baitan, datorren ostiralean, otsailak 25, eskualdeko artistak nagusi diren antzezlan berezi bat eskainiko da Amurrio Antzokian DOAN. Antzezlan honek bi plano jasotzen ditu, antzezleek eskenatoki gainean aipatzen dituztenak eta bestetik KASKOen bidez entzungo ditugun euren buru barruko pentsamenduak (off-eko ahotsa). Antzezlan laburra da, 20 bat minutukoa eta ostean gidoilariarekin solasaldia egiteko aukera egongo da. Animatu eta hartu gonbidapenak Amurrioko kultura etxean edo egunean bertan takilan.